بيتى اسمر
قلبه طين
بس.....
طين طيب وصابح
طين غلابه شاقينين
غلب طعمه مر علقم
لازم الصبر معاه
لازم الصبر يا حضره
لجل نقدر ع الحياه
بيتى ارضه مش بلاط
بيتى ارضه عشب اخضر
زى خضار عصفور صغير
لسه مش عارف يطير
الغرير....
فاكر انه راح يطير
فوق جناح الغلب عايش
بس لو طار راح يتوه
قلتله اكسر جناحك
لجل تقدر ع الهروب
من عيون الصيادين
غدارين.... متربصين
بيتى اسمر قلبه طين
لون حيطان بيتى غريب
لونها دم ويا طين
طين غلابه شقيانين
لونها فيه حتة الم
او بكى من غير نواح
فى البراح....
بيتى اسمر قلبه طين
بيتى مفتوح ع السماء
والسماء فيها النجوم
والنجوم نور جوه ضلمه
ضلمه ساكنه قلب بيتى
اللى اصلا هو طين
يعنى ضلمه
جوه ضلمه
ساكنه ضلمه
فى قلب بيتى
اصل بيتى اصله طين
هناك 38 تعليقًا:
علشان تعدى افضالى عليكى من اول يوم اول تعليق على اول بوست
طبعا الشعر انا قريته قبل كده فمش حضيف عليه ولا اعلق عليه بس يارب تكون مدونه سعيده عليكى وللامام يا روميل
محمود
مبروك المدونة الجديدة
أتمنالك التوفيق إن شاء الله
أكتر جزء عجبني هو نهاية الكلام.. يعني ضلمة جوة ضلمة ساكنة ضلمة... نتيجة طبيعية للبيت اللي من طين
بداية رقيقة أوي في عالم المدونات..ربنا يوفقك
:)
اخت محمود صاحب مدونة رئيس جمهوريه نفسي واللي اخويتها اتنقلت ليا بالتبعيه
انا سعيد جدا بالبدايه اللي بجد تحفه والاسلوب الجميل في الكتابه عجبنى اسلوبك ويارب اللي جاي يكون بنفس الجمال ده والاختلاف في الاسلوب زي ما شفت في اول بوسط عندك
اتمنى ليكي حياه تدوينية جميلله ومفيده
صاحب المكسرات
سيد سعد
لون حيطان بيتى غريب
لونها دم ويا طين
طين غلابه شقيانين
لونها فيه حتة الم
الكلام ده وجعنى اوى
بجد تسلم ايدك
واهلا بيكى فى عالم التدوين
اختك خيخة
الف مبروك المدونة الجديدة
نورتي عالم التدوين
ربنا يوفقك و يسعدك
بس بعد الشر عنك و الضغط الواطي
الشعر جميل جدا
بس ان شاء الضلمه تبقى نور يجي من السما الصافية و تشرق شمس النور عليه دايما يارب
السلام عليكم
مبروك المدونة الجديدة
الشعر كلامه كتير حلو
بس سؤال
انت اميرة الصعيد
واخوكي رئيس جمهورية
ازاي؟؟؟
:)
على فكرة عجبتني الموسيقى اللي حاطيتها لمين؟
رئيس جمهوريه نفسى
الف شكرا
Wish I were a Butterfly
الله يبارك فيكى الحمد لله انى القصيده نالت استحسانك واتمنى تكرار الزياره
الاخ سيد سعد
طبعا اخويتك شى يشرفنى اتمنى انى الى جاى كمان ينول استحسانك ومنور المدونه فى اول زياره
العزيزه خيخه
الف سلامه عليكى من الوجع وتسلمى يارب وربنا يسلمك
Heart Beat العزيزه
الله يبارك فيكى بس هو فعلا الضغط واطى من الوضع اللى احنا فيه
Nani العزيزه
الله يبارك فيكى والحمد لله انى الشعر عجبك على فكره اخوى ضد النظام الملكى وانا شايفه انى الملكيه احسن من الوضع اللى احنا فيه
وعلى فكره الموسيقى لعمر خيرت اسمها الحب ايضاء يموت
كلمات جميلة
تسلمى ومشكورررة عليها
تحياتى
انا مشفتش محدثين نعمه زى رئيس جمهوريه
منوره يا اميره وهى نبته واحده وجميله
طلعت احسن اخ واخت..ربنا يحفظكم
تسلمى على كلماتك المعبره
وربنا يكفيكى شر الناس الملاحيس
تحياتى ليكى سومه_87
كلام بيوجع قوى
ربنا يوفقك وتكون دايما مدونة جميلة
منتظر الجديد
قtamer nabilشكرا علي اول زياره وان شاء الله دايما هحاول اكون علي نفس المستوي
العزيزه سومه انتي اللي فعلا منوراني وان شاء الله دايما يكون بينا كل محبه زي اسمك ما بيقول
الاخ haitham انا فعلا مش قصدي اوجع حد بس دا امر واقع وربنا يوفقنا جميعا
ألف ألف ألف "مبارك" على المدونة
---
بداية جميلة
وموهبة بتقول : حرام ، معملتيش مدونة من زمان ليه ؟
---
في انتظار الجديد
عزيزتى
الف مبروك على المدونه
باين عليكى انسانة واتمنا يكون التدوين يفيدك ويفيد الناس بيكى
هو الغلابة الشقيانين بقه ليهم اى طيين
كلامك حلو ومعب قوى
ويارب بيتك ينور بس يفضل برضوا طيين
تحياتى
سلام
اممممممم مبروك الاول
ثانيا حلو كلامك بجد
تسلم ايديكى
تحياتي
في رأيي انه لا يهم ان كان البيت من طبن
لكن المهم الناس التي تسكنه...هاتلاقي قلوبهم نقية نقاء الثلج الابيض..و سجياهم كما الذهب عيار 24 ثيراط.
علي فكرة بيوت غالبية المصريين من طين
وإن بدت غير ذلك.
تحياتي و بالتوفيق دائما.
مبروك المدونة يا جميله
الكلمات احساسها جميل فعلا
تسلم ايدك
الكلام ده كبيييييييييير
اميره الصعيد اخت رئيس الجمهوريه
ده نسب كبير
جواه ابداع اكبر
البوست اكتر من رائع
بس غصب عني بكاني
خصوصا
بيتى اسمر قلبه طين
لون حيطان بيتى غريب
لونها دم ويا طين
طين غلابه شقيانين
لونها فيه حتة الم
او بكى من غير نواح
ايوه ده حالنا ناس الطيبه مغلفه قلوبنا وجدارنا شاهد علينا
بالعرق والجهد والدم بقينا اهل البيت
اللي هو اصلا من الطين
بيبص ع النور اللي جوه الضلمه
زي بيتنا حطانه ضلمه مهو من طين
شايل قلوب من نور بين جدران الضلمه
نورتي عالمنا
مبرووووووووووووووووووك المدونه
معلش دخلت حاميه
الاخ خبييب
الله يبارك فيك اما عن التاخير في التدوين فكل شيء بميعاد
احساس لسه حي
الله يبارك فيك وشكرا علي رايك
العزيزه ابي
الله يبارك فيكي وميرسي كتير علي رايك
الربان
علي فكره انا مش قصدي الطين في حد ذاته وانما الطين رمز للظروف اللي اغلب المصريين عايشينها
العزيزه قطه الصحراء
الله يبارك وميرسى على ذوقك وربنا يسلمك يارب
العزيزه زمرده
اولا الف شكر على رائيك الجميل
ثانيا: انا اسفه انى كنت السبب فى نزول دموعك بس ده فعلا الامر الواقع الى عايش فيه الانسان المصرى
البلوجر منوره باهله وبرحتك اعتبرى البلوج بلوجك تدخلى باى طريقه
صديقتى العزيزة
دة طبعا لو سمحتى يعنى
انت اول حد اعلق عنده النهارده
علشان انت غلاوتك بقت محفوظة مقدما
اما عن البوست بقى
حزين
وان كان يحمل ثورة
يائس لكنة يحمل تمردا
موجع جدا
ومن قلب الالم
هذة الابيات اصابتى بوجع وانقباض شديد
زى خضار عصفور صغير
لسه مش عارف يطير
الغرير....
فاكر انه راح يطير
فوق جناح الغلب عايش
بس لو طار راح يتوه
قلتله اكسر جناحك
لا تطلبى من الطير ان يكسر جناحه ابدا
فلن يستطيع الفرار وكيف وان كانت وسيلته الوحيده للهروب هى الطيران
ان كسر جناحه سيصبح هدف سائغ للصيادين
وللحيوانات
قوتة فى جناحه الصغير هذا
قد لا يمنحه دائما فرصة الهروب من المترصدين به
لكن على الاقل يمنحه املا وان كان واهيا فى انه قد يستطيع الفرار
كل الحب
العزيزه جدا شيرين
انتي متتصوريش انا مبسوطه ازاي ان اول تعليق يكون من نصيبى اما عن الابيات سبب وجعك وانقباضك فاحسن وضع للعصفور انه يكسر جناحه لان دايما الصيادين عيونهم باصه لفوق عمرهم ما بيبصوا تحت رجليهم اما عن الحيوانات اكيد هيكونوا ارحم من الصيادين ممكن لما يكبر ويتشد عوده يكون عنده فرصه للطيران والمراوغه
مبرووووووك عغلى المدونة الجديد انا لسه عارف النهارده من عند رئيس جمهورية نفسي
ولو كنت اعرف كنت فرشت الارض ملبش وايس كريم
بالنسبة للشعر فا انا تهت في بصراحه لدرجة اني قريته مرتين لحد مافهمته الحمد لله
لا تعليق عليه لإنه احزني جدا
تحياتي ونورتي عالم التدوين
white heart
الله يبارك فيك وبالنسبه للملبس والايس كريم اعتبرهم وصلوا اما الشعر فهو حزين لحزن البشر والظروف اللي عايشينها
eamsأميرةالصعيد
نورتى عالم التدوين طبعا
وبدايه فعلا موفقه جدا
كلمات جميله ومعبره عن حالة الم وحزن المصرين بيمروا بيها
فى انتظار كلماتك دوما
تحياتى وتقديرى
أميرة الصعيد
مبروك عليك المدونة
المفروض الأول أتعرف علي رئيس الجمهورية تبعك ,, وفهمت إنه أخوك
لكن من تحيز نسوي ضد الذكورة قلت أول ما نبدأ معك ... تحيز بقي هههههه
جميل هذا البوح وتلك الفضفضةوراءها روح شاعرة .. اهتمي بها
تحياتي لك وإلي رئيس جمهورية نفسه
جميل الشعر ده
مبروك عليك المدونة
مرحبا بك مدونة مضيفة لنا
يا بنت يا عكروته
كلام واعر بيمس القلب!!
كلام مصرى فى الصميم..
يا ريتنا نعرف قيمة الطين
الطين اللى من زمااان بيدى الغلابه الشقيانين..ويا ريتهم مقدرين
دول شايفين وساكتين!!!
إرسال تعليق