يقول النهار
اريد البكاء
اريد العبور
لقلب المساء
اريد الحياه
بغير اكتراث
اريد التنحى
اريد التغلب
على ما اريد
ولكن قلبى
اسير الركود
يقول النهار
لماذا القمر
يناجى المساء؟
ويعشق طيفه
ويهوى النجوم
لماذا اكابد
شمس الظهيره
جفاف الازقه
زحام الضجيج
ضجيج الزحام
اابغى المحال..
اريد السكون
وطير يغنى
وقلب حنون
تراه جنون
تراه انهيار
ام انقلاب
بقلب النهار
ترانى النهار
سارحل يوما
بقلب جديد
واسم جديد
ساعزف لحنا
بغير ازدحام
وغير انكسار
واترك خلفى
رداء النهار
هناك 37 تعليقًا:
علشان مش حد يقول عليه طماع مش حاخد اول تعليق علشان اسيب فرصه للناس ولو عندك اعتراض اشتكينى لبابا
بالتوافيق يا اختى العزيزه
اخوكى الكبير
محمود
تراه جنون
تراه انهيار
ام انقلاب
اراة رغبة فى الهروب من ضوضاء النهار
شمس النهار الحارقة الحاره
رغبه فى الهروب لسكون الليل
ونجومة
وقمرة ذو الاشعة الفضية الهادئه
هى رغبة
فى التمتع بالسكون
اة صحيح كل ما افتكر اقولك انسى
اسم المدونه عاجبنى جدا
ضغط واطى
انا كمان ضغطى واطى
جدا جدا
تحياتى للضغط الواطى
:)
وقولى لمحمود
انة بتعليقة دة
ضيع على اول تعليق
صحيح النهار له حق يزعل ويطفش كمان كتر خيره والله بس النهار فيه ساعة بتهون عليه طول اليوم وبتخلى الليل يغير منه وهى ساعة الغروب
كلامجميل كلام معقول مقدرش اقول حاجه عنه
اول زيارة ليا
رازى سليمان
انا جايه اقولك
انى دبستك فى اول تاج
يالله بقى امرك لله
سارحل يوما
بقلب جديد
واسم جديد
ساعزف لحنا
بغير ازدحام
وغير انكسار
واترك خلفى
رداء النهار
حلو قوى الاحساس ده بجد انا كمان نفسى ارحل يوما
خالص تحياتى لكى
أول مرة آجي هنا
ولفت نظري العنوان
بعد شر عنك .. الضغط الواطي أصعب من العالي ... ألف سلامة عليكي .. إن شالله العدويين الوحشين
سلام
طبعا اول زيارة وسعيد جدا بزيارة المدونة الرقيقة
وطالما اخت محمود تبقى اختى انا كمان
وانا صعيدى كمان يلا بقى خلى الصعايدة يوصلوا كمان وكمان
وحلو اسم المدونة ضغط واطى
ربنا يحفظك ويكرمك على العموم
تحياتى
خالد
يا سيدي ان مش هشتكيك والطيب احسن
هاي شيري
والله منوراني علي فكره انا فعلا ضغطي واطي باستمرار ويا ستي الف شكر علي التدبيسه بتاعتك ان شاء الله البوست اللي جاي هيكون التاج بتاعك
الهواري
مرحبتين بكبير هواره
بالنسبه لساعه الغروب اللي انت بتقول عليها فهي ساعه الاحتضار للنهار وميلاد لليل يعني برضه الليل هو اللي كسبان
لو كان الموت هايبقى فى جمال الغروب هاتبقى اجمل موته وهاتنسى جراح والم كتير
واذا كان الليل بيتولد بعد الغروب فهو بيموت فى الشروق
انا صعيدى برود متنشفيش دماغك معايا وانا اتفقت معاك ان النهار بيتعب اوى
ههههههههههههههه
رازى سليمان
رحيل
كلنا بنتمنى الرحيل باحساس جديد واسم جديد وكيان جديد تيجى نرحل مع بعض منورانى
مفقوعة مرارتي من حماتــــــــــــي
وحماتك فاقعه مرارتك ليه بس انا الحمد لله ماما الى هى حماتى مريحه مرارتى على الاخر بس حاجى عندك اشوف الموضوع بتاع حماتك
على فكره زى ما قلت لشريرين انا ضغطى على طول واطى
منورانى
همس الاحباب
طبعا انا يشرفنى انى اكون اختك حلو انى الصعايده كتار كده يارب تنورنى دائما بزيرتك وتعليقك
الهوارى
هو اختلاف فى الراى لا يفسد للنقاش قضيه
منورنى
كلمات جميلة
هو محمود قاعد على باب المدونه والبيت ههههههه
بجد حلو كلامك يا احلي اميره وحلو تداخل حالات السماء اللى فيها شبه من تداخل حاجات فى حياتنا
كلمات جميلة
تسلمى عليها
تحياتى
الله ع الصعيد وناسه والله الحمد لله انى الواحد صعيدى علشان يفتخر ان حد زيك بلدياته
كلماتك روعة واتنميقها اكثر من ممتاز
تحياتى
واحد صعيدى
ليه حق إنه يغير من الليل و سكونه و جماله
جميل أوي الرحيل اللي النهار بيحلم بيه
سأعزف لحنا بغير ازدحام و غير انكسار و أترك خلفي رداء النهار
بجد تجنن كلماتك الرقيقة ماشاء الله. بسيطة و جميلة أوي أوي
بس تفتكري هيقدر يحقق أمنيته دي؟
:)
تحياتي يا قمر
محدش راضى على حاله
كل واحد عايز يهرب من نفسه حتى النهار
تحياتى
شرفتينى بزيارة مدونتى ومن خلال زيارتك عرفت طريق مدونتك وبصراحه كلماتك جميله جدا وكمان انا بيعجبنى فى كام يكون على لسان كيان غير ناطق زى القمر والليل او زى هنا النهار بيكون فيها خيال لذيذ
تحياتى ليكى
مدونة تستحق الزيارة والاحترام تحياتي الخالصة لكي وللبوست الهادي الجميل
جميل وعظيم جداا
انا برضه نفسي اهرب من النهار لليل اظن كلنا بقينا نعشق الليل وهدوءه وسكونه
هيه فعلا ثورة
تحياتي
تصدقي وتؤمني بالله
انا جيت وقريت الموضوع ده كزا مره
واقف متنح مش لاقي تعليق اقوله
لغاية ماعرفت من محمود انكم اخوات
قلت بس
وضحت الرؤيا
انتو كنتو بتاخدو حقن شعر وانتو صغيرين
الاقيش عندكم امبول فاضل من زمان؟؟؟؟؟
سلاموووووووووووز
ثورة النهار
للعبور لقلب المساء
حيث الهدوء و السكينة
و لكن هل يثور الليل على ما فيه
ليرى شمس النهار
و يستعذب حرارتها
هل يثور كل شيء
كلماتك رقيقة و عذبة
رائعه بمعنى الكلمة
إحترامي لك ِ
:)
ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي
علي فكرة جميله جدا القصيدة
معلش اول زياره فيها دعوة
هو ينفع النهار يزعل ده هو الامل بعد طول الليل
جميله حقا بس انت زعلانه من النهار ليه ده هو الاشراق والامل
عارفه اسعد يوم عندى ان اشوف الشمس وهى بتشرق ببقى اليوم ده فرحانه مش عارفه ليه
اما الدوشه والضوضاء اللى فيه عيب مش منه عيب منننا احنا
احنا السببب مش النهار
تحياتى ولاء
ماشاء الله عليكى
الكلام والمعنى روعه
احساس مرهف ويدخل القلب
سلامه ضغطك حته جبنه قديمه مع طماطم
تظبطه
تسلم ايدك ياقمر
خالص تحياتى
اميرة الصعيد
معلش انا لسة مقريتش البوست
انا بصراحة كنت رحت علشان اشوف محمود كاتب ايه لاقيته قافل التعليقات
وفهمت ان حد قل ادبه عليه فى التعليقات
بلغيه وقوليله
خيخة بتسلم عليك وبتقولك
الايميلات اللى كان بيبعتهالى لما كان معتقد انى هاقفل مدونتى
ياريت الايميلات دى زى ما هى كدة يبعتها لنفسه كأنى انا اللى بعتاها
وقوليله خيخة بتقولك
عيييييييييييييييب
متخليش واحد سافل يخليك تفكر انك نقفل مدونتك
ازعل شوية وخد وقتك فى الزعل
لكن متقفلش مدونتك
وقوليله ان الست ام شريف
اللى هو انا برضه
هتقرصك فى اللباليب
لو اتماديت فى زعلك
وطولت غيابك عنا
وكفاية كدة
انا هاشوف تهديدى بالقرص فى اللباليب هيجيب فايدة ولا لأ
وبلغيه سلامى
تحياتى ليكى
اختكم خيخة
كلامك جميل ورائع
بجد عجبتني مدونتك
وعلى فكرة فيها شبه من مدونتي
انا شوفت اسم مدونتك علي احد التعليقات وموت علي نفسي من الضحك , زي ما تقول كده جات لي هستيريا
وده دفعني انا ادخل وازورها
بجد الأسم جميل جدا والمحتوي اجمل
رئيس جمهورية نفسي
اريد التنحى
نفسى اسمعها من شخص واحد
تسلمى فعلا
سومه_87
الله يفتح عليكى
وعلى والديكى
كان نفسى اسمع كلمة ثوره من زمان
حتى لو كلمه مش فعل
سئمت هذا الركود الطويل
وكل مره عدى النهار عدى النهار
اخيرا ثار النهار
ربنا يوفقك
كلمات رائعة ومعبرةوفيها بساطة وجمال
ولكن لماذا يشتكي النهار؟
وهل هذه ثورة
لقد خلقه الله ليؤدي مهمته في هذه الحياة
وخلق الليل لمهمة أخرى أيضا..
ولكن لا يستطيع التخلي عن مهمته فقد ترك وراءه رداء النهار ولكنه سيعود حتما بعد إجازة لن تطول وبعد أن يشعر بشيء من السلام بعيدا عن الازدحام.
وتقبلي تحياتي
شهرزاد
إرسال تعليق