الثلاثاء، 3 يونيو 2008

انشوده حب


في البدايه احب اعرفكم اني بحب البلد دي جدا

برغم انها بقت عزبه خاصه وملاكها محدود ين

برغم اننا علي بابهم شحاتين

انا بموت في البلد دي حتي لو جمال وعز كتبوها باسمهم

انا بعشق البلد دي رغم ان نص شعبها من الاكل محرومين

انا بحب البلد دي رغم الفساد والرشوه والمحسوبيه

واطفال الشوارع اللي ماليينها والبطاله وفلوسنا اللي سافرت بره

واملاكنا اللي اتباعت بتراب الفلوس بدعوي الخصخصه

وممدوح اسماعيل اللي سافر بعلم الحكومه

وهايدلينا والمتاجره حتي بالمرض

وفي الاخر البراءه لهاني سرور

انا بحبها غصب عن عين اي حد

بحبها غصب عن عين الحزن الوطني

علي بلاطه

انا بعشق كل ذره تراب فيها

واكيد كل ليل وله اخر

@@@@@@@@

ودلوقتي بقي نقدر نقول



عشت احبك

عشت اشوف نيلك دمايا

دم صافي

اصفي من نبع الحياه

اصل اصل المصري صافي

اصله كلمه من اله

****

لون ترابك

هو لون وش الصبايا

هوكحل ف عين حبيبتي

هو تكملة الحكايه

اصل كل مصري فيكي

له حكايه

بيها نرجع للبدايه

عشت احبك

****

حرف اسمك

هواسمي

هورسمي

هو لوني ف كراساتي

هو زرع ف نبت قلبي

او سلاح ف ادين ولادك

بيه يعدوا كل صعب

بيه ينولوا المستحيل

او يقولوا الخير دا منك

حرف اسمك

هو تكمله الهجاء

****

سمك طينك

فيه اغوص

فيه اعيش احلا حياه

ماسك الفاس الاصيل
بيطاوعني
اصله مصري

مصري من قلبه يقول

عشت احبك

****

نور صباحك

هو نور وش الولاد

نور محمد او ميلاد

يصحوا م الفجر يوماتي

ياخدوا بعض عالغيطان

وان قالولهم

انت مسلم

وانت اصلك معمدان

يمشوا دوغري من سكات

ويغنوا بالصوت الاصيل

عشت احبك


##############################

تحديث

اولا انا اسفه اني مرديتش علي التعليقات

بس ده كان لظروف خارجه عن ارادتي

ثانيا انا فكرت اني ارد علي التعليقات كلها في

التحديث ده لاني حاسه ان الموضوع اكبر

من كلمتين في كل تعليق

بالنسبه لموضوع حب البلد دي

اللي احنا عايشين فيها

اللي اسمها مصر

ازاي يكون فيه مننا ناس بتكرهها ؟

ازاي يقولوا احنا مبنحبهاش؟

امال عايشين فيها ليه؟

يا جماعه ياللي بتكرهوا مصر وبتقولوا احنا مش قادرين نحبها

هو مين اللي وصل مصر للي هي بتمر بيه ؟

مين اللي ساكت عن المطالبه بحقه ؟

مين اللي بيتعامل مع كل المرافق اللي فيها باهمال؟

مين اللي سايبها لشويه حراميه وقاعد يتفرج؟

اعتقد ان الاجابه هي اننا احنا اللي عملنا كل ده

وبعدين نقول اننا بنكرهها

يعني بدل ما نصلح كل اللي عملناه فيها رايحين نكرهها

طاب ياللي بتكرهوا مصر ناويين تربوا عيالكم ازاي

ناويين تعلموهم يحبوا ايه بدل وطنهم ؟

ولا تكونوا ناويين تشتروا وطن تاني

او تدوروا علي وطن بالايجار

كده هتحصل ازمه هويه في الاجيال الجديده

واحنا مش ناقصين بلاوي

وافتكروا ان اللي لازم يتكره مش الوطن

اللي لازم يتكره مش مصر

احنا لازم نكره اللي يهد فيها وميبنيش

لازم نكره اللي علي السلبيه اتعود يعيش

لازم نكره الحكومه اللي تاخد ومتديش

واخواننا اللي بيحبوها اقوللهم ان الحب ليها مش كفايه

احنا لازم نعمر ونغير ونخليها احلي واجمل وطن

حبيبتي مصر

################

ملحوظه صغيووووره واضح جدا ان الانبول اللي استورده سووووو شغااااااااااااااال

##############################

هناك 31 تعليقًا:

HERO يقول...

الله جميلة والله
وفعلا بنعيش نحبها وطول ما فيها ناس كده بتحبها يبقى ان شاء الله هيتصلح حالها قريب

تحياتي

رئيس جمهوريه نفسى يقول...

البت كبرت يا جدعان
قشطاااااااااااااااااااااات ايه البوستات الى فى الخباسه دى يام يحيى ماشى تترد على العموم انا بثبت حضور قبل المكتب وجاى حبيها يا ختى حبيها ربنا يكرم بس واسيبهالك تشبعى بيها

حاجات جوايا يقول...

كلنا بنحبها
بس هى بتحب مين ؟؟؟؟


ده السؤال المهم

تحيااااااااااااااااتى يا قمر

فاتيما يقول...

ليه يا محمود التقطيم دا ؟؟
و بعدين تسيبها و تروح فين يا عم
ريس أونطة إنت و لا إيه
الله ينور عليكى يا ميرو
إنتى قولتى اللى كلنا بنقوله عليها رغم كل ما فيها محدش قادر غير إنه يحبها
و حتى لو مكناش إحنا اللى بهدلناها كد
إحنا سيبناها للى يبهدلوها و سكتنا خوف و ضعف ....
أحييكى من قلبى عشان عبرتى عن اللى فى قلبى
و سلامى لأسرتك الجميلة
و للريس اللى عاوز يفلسع و يسيبهالك

غير معرف يقول...

انا بحبها

بس بكره جدا حكومتها وحرميها


وربنا يتوب عليا باه منهم

kochia يقول...

انا كمان بحبها رغم كل اللي فيها
رغم انها ساعات بتحسسك بالغربة
واحس اني عاوزة اروح بلدي وانها مش بلدي
بس هي بلدي
وبخبها

Unknown يقول...

حب الوطن دا شئ ربانى مش ممكن حد مايحبهاش بس درجة الحب هى اللى بتتفاوت
لكن كلنا بنموت فى ترابها
ونيلها وشمسها

كلماتك رائعه
بالتوفيق

HANY YASSIN يقول...

كلنا نحبها
رغم كل ما يحدث لنا فيها
قدرنا
تحياتى
هانى يس

Wish I were a Butterfly ... يقول...

أنا برده مغرمة بيها رغم .... إيه و لا إيه :) الحمدلله
بس فعلا طول ما فيه ناس بتحبها بجد كدة يبقى أكيد هتتغير و ينصلح حالها

كلماتك جميلة أوي أوي أوي. هو انتو الموهبة دي بالوراثة و لا كل اللي من الصعيد كدة و لا إيه بالضبط؟؟ :) بجد ماشاء الله عليكي روعة روعة ربنا يحميكي
أكتر كلام عجبني بتاع "لون ترابك ..."

كل تحياتي ليكي

ابراهيم يقول...

عاش المقاومين ولو ماتو
منذ الف عام
هم رجال وغيرهم
ايتام
هم ياسيدي مرفوعي المقام
هم نور الشمس
مرعبو الظلام
فاتمنا ان تظل محبا لها فحبك لها مقاومة لمن يريدون ان يغتصبوها ويهدرو شرفها لولاك
ادعوك لزيارة مدونتي واتمني التواصل الدائم بيننا

نونو يقول...

ياريت كل الشباب اللى فى السعودية والامارات والدول الباقية بفكروا فييها كدة
دول بيلعنوها بس عى ملهاش زنب
ولاهما كمان مش عارفة لية افتكرتهم وانا بقرأ كنت مرة بسأل واحد انت مش بتحب مصر قالى احبها
ازاى ؟
لا مقدرانى ولا مقدرة شهاتى اروح بقى لليقدرونى ويدونى على أد شغلى ويزودونى
بالخبرة والله انا محتارة انا هنودى البلد فيين بعد كدة واحنا السبب

wael يقول...

اعتقدت زمان ان محدش بيحب البلد دي قدي بس اللي انا واثق منه دلوقتي اني مش قادر احبها واعتقد اني بكرهها
المشكله اني مش قادر احس بأي شيء موجه للبلد او للعزبه زي ما انت قلت
بشكل عام اسلوبك بجد مميز بس للاسف لا استطيع الاحساس بالفكره لمشاكلي الشخصيه مع العزبه

Razi Soliman يقول...

اتمنى من الله ان ترى وطن حر تفتخر به ويفتخر به ابنائك واحفادك

اقولها بابتسامة عريضة وقلب فاض منه الحب والتافهم والتسامح الذى تعلمته من كل مدونة دخلتها
وداعـــــــــــــــــــــــا
رازى

rtrcbh يقول...

السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

المـــفـــــــقــــــــوعـــــة مــرارتـهــا يقول...

للاسف الشديد بنحبها رغم البهدلة اللي بنعيش فيها علي أرضها

Soooo يقول...

بما انك انتي وابو حنفي نفضتولي في انبول الشعر اللي كنت طلبته منكم
وانا سعيت اجيب انبول مستورد بس لسه ماوصلش

قلت اجرب كده واكمل معاكي انشوده حبك لمصر
----

.. انا مصر يابني
ومصر انا يابنتي
.. وانت جوا قلبي
وجوا عقلي انتي

مصر الام اللي ربت واللي شالت
.. مصر اللي تعبت
ومِـ الهموم داقت وشافت
مصر اللي مش عاجبها حال ولادها
.. سكتو بدال المره الف
عاللي فاكرين روحهم سيادها
.. دول مش سيادي
.. دول زرع طايش شيطاني
مش مني ولا فاكر حناني

قوم يامصري خد بايد اخوك
فوق وصحص للي دايما يسرقوك
وقول لكل ظالم انه ظالم
.. وفـ يوم هتترفع فيه المظالم
.. هيقول مش ذنبي اني سارق خير بلادي
الذنب ذنبك ياللي انت مِالبلاد دي

الحب وحده مش كفايه
.. قوم وقولها بعلو صوتك
واجعل للظالم نهايه
كفاية ظلم كفايه نهب
قتلو قلبي والف قلب
من الهموم جالهم ما جالهم
ومن الخوف .. فضلو فـ حالهم

قوم يابني
وانتي يابنتي
انتو في قلبي
حراس مدينتي




سلامووووووووز

An Author يقول...

ابياتك معبرة قوى..

انا بقى عشان كل الاسباب الى اتقالت فى الاول دى بجد مش قادرة و مش عارفة احبها

مش عارفة احب فيها ايه :(

زُمُرده يقول...

الله الله الله
جميل جدا جدا احساسك وكلماتك روعه
انا كمان بحبها ومهما قالوا عنها ولا نهبوها لسه بتجري في دمي وكياني
مش عارفه استشهد بايه ولا ايه كل جمله احلى من اختها ومؤثره جدا جدا
نفسي الناس تحس بارضها واصلها
فكرتيني بكلمات اغنيه:

الدم ده دمي
واللون ده من طيني
والحضن ده لأمي
والنيل دموع عيني

-----------------
يااااااااااه المفروض كنت اجي من بدري من زمان اوي
بس اعذريني

Asmaa mahaba يقول...

ورغم كل دا بنحبك يا مصر
تحياتى ليكى كلماتك جميله
سومه_87

ابو يوسف يقول...

السلام عليكم ، هي فعلا تستاهل ان احنا نحبها ،بس لازم هي كمان تثبت لنا انها بتحبنا وتساعدنا علشان نصلح احوالها ..
ارجوا تقبل مروري .

بنوتة من وسط البلد يقول...

فكرتينى ببوسع كنت كتبته قبل كده
اسمه (جابولى ورقة وقلم)

والحقيقة كلامك برضة عمل رسمه حلوة

تسلم الايادي

تحياتى

Unknown يقول...

يشرفني جدا أن أجدك زائرا على صفحة مدونتي وتترك تعليق أو حتى توقيع فأنا أود كسبك قارئا لمدونتي ..
تحيتي وأنتظر الزيارة واعتبر هذه دعوة
مدونتي هنا
http://kanyatklam.blogspot.com/

حنين.. يقول...

كلنااااااا بنحبها. بس هى ليه بتعمل فينا كدا, دا جزاة حبنا ليها. والله احوال البلد بقت صعبه اوى اوى اوى اوى اوى واحنا بنحبها كمان اوى اوى........ وتحياتى . فى انتظار المزيد

تواشيح سياسية يقول...

بلدى كم اعشقك

واخاف عليكى من كل عميل متامر

دمتى ودام حبك لوطنك

نسرين - أمة الله يقول...

السلام عليكم
اااااااااه بنحبها بس دايما اللى بيحب حد بيعمل عشانه ودايما الحبيب مستنى مننا اثبات الحب ده لان الحب بالفعل مش بالقول ومش حقول نعمل ايه لانى انا مش عارفه
بس الاكيد ان دى بتاعتنا احنا ومحدش حيخدها مننا

Empress appy يقول...

يا سيدى يا سيدى على الشعر اللى ماشى فى العيله طيب بقول ايه ممكن تكتشفوا المواهب كلها مرة واحده ونخلص

على الزيبق يقول...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته

اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى

Soooo يقول...

مبروك عالنيو لوك

والف شكر ياستي على ملحوظتك الصغنونه ودي شهادة اعتز بيها والله

بس تقريبا الانبول خلص ومش عارف اكتب شعر تاني

الاقيش عندك ولا عند ابو حففي انبول زياده؟؟؟




سلاموووووووووز

(احمد سكر ) يقول...

بنحبك يامصر

وبنحبك يامصر

خلو الللاى بيكرهوها دول

يسافرو برا ويشوفو الفرق

ربنا يحفظك يارب

تحياتى اختى الفاضله

اخيكى

احمد سكر

زُمُرده يقول...

ايه يا جميل انت فين يا أميره وفين الريس مختفي فين

MKSARAT - SAYED SAAD يقول...

محدش فينا ما يقدرشي يبطل يحب مصر
برافو عليكي بجد بوست جميل
تحياتي